გვერდის დანიშნულებაა:

• აამაღლოს საქართველოს სკოლებში ფიზიკის, მათემატიკის, ინფორმატიკისა და ზოგიერთი სხვა მეცნიერების სწავლების დონე.
  
• ხელმისაწვდომი გახადოს ყველა დაინტერესებული პირისთვის ზემოჩამოთვლილ საგნებში ზონური, რესპუბლიკური, სოროსის, საერთაშორისო ოლიმპიადების ამოცანების შინაარსი და ამოხსნები.
  
• გამოაქვეყნოს ნორჩ ფიზიკოსთა რესპუბლიკური და საერთაშორისო ტურნირების ამოცანების საუკეთესო ამოხსნები.
  
• პერიოდულად გააცნოს მოსწავლეებს მეცნიერებისა და ტექნიკის მიღწევები.
  
• სისტემატურად გამოაქვეყნოს სამეცნიერო-პოპულარული სტატიები.
  
• მოაწყოს ინტერნეტ-ოლიმპიადები როგირც საქართველოს, ისე საერთაშორისო მასშტაბით.
  
• გამოაქვეყნოს ყველა იმ მნიშვნელოვანი ღონისძიებების (ოლიმპიადები, ტურნირები) შედეგები, რომლებიც ტარდება საქართველოში და მის ფარგლებს გარეთ ჩვენი მოსწავლეების მონაწილეობით.
  
• დაამყაროს მუდმივი შემოქმედებითი კავშირი სხვადასხვა სკოლებისა და რეგიონების მოსწავლეებს შორის.
  

სასწავლო-შემოქმედებითი ოლიმპიადები საქართველოში

სასწავლო-შემოქმედებითი ოლიმპიადების პრაქტიკა აღმოცენდა საქართველოს რესპუბლიკის სასკოლო ცხოვრების განვითარების განსაზღვრულ ეტაპზე.

ოლიმპიადა ფართო გასაქანს აძლევს მოსწავლეთა შემოქმედებით ნიჭსა და მიდრეკილებებს, სათავეს უდებს ძიებასა და შემოქმედებით ფანტაზიას, აჩვევს მოსწავლეს ფიქრს და გონებრივი ძალების ვარჯიშს.

ოლიმპიადები მოსწავლეებში ზრდის ისეთ თვისებებს, როგორიცაა მიზანსწ-რაფულობა, შეუპოვრობა, დამოუკიდებელი აზროვნება, შემოქმედებითი აქტივობა, საკუთარი ძალების რწმენა.

ოლიმპიადა საშუალებას აძლევს მოსწავლეს შეამოწმოს და გამოავლინოს თავისი შესაძლებლობანი; იგი საკუთარ ცოდნას ადარებს სხვა მოსწავლეთა ცოდნის დონეს, ხვდება მასზე ძლიერ მოსწავლეებს, იმდიდრებს შემოქმედებით ფან-ტაზიას. შედეგად მოსწავლეს უყალიბდება კვლევის უნარი, იზრდება ცოდნის ხარისხი, აღქმის კულტურა.

ოლიმპიადები ხელს უწყობს მოსწავლეთა ინდივიდუალური ბუნებრივი მონაცემების წარმოჩენას, ეხმარება მათ პროფესიის შერჩევაში.

ფიზიკის ოლიმპიადებს საქართველოში სამოც წელზე მეტი ხნის ისტორია აქვს. ის ორგანულად არის დაკავშირებული ჩვენს ქვეყანაში ფიზიკის სწავლების ისტორიასთან.

პირველი ოლიმპიადა 1940-1941 სასწავლო წელს ჩატარდა. მსოფლიო ომის გამო მეორე რესპუბლიკური ოლიმპიადა 1945 წლამდე არ ჩატარებულა. შემდეგ ოლიმპიადების ჩატარების ტრადიცია გაგრძელდა.

მოსწავლე-ფიზიკოსთა ეს დიდი ფორუმი თითქმის ყოველწლიურად ტარდება და 2002 წელს უკვე რიგით 54-ე ოლიმპიადა იყო.

გთავაზობთ ს რესპუბლიკური ოლიმპიადის ამოცანებს.