ივ.ჯავახიშვილის სახ. თბილისის სახელმწიფო უნივერსიტეტის ფიზიკის ფაკულტეტთან არსებული ფიზიკა-მათემატიკური სკოლა

ფიზიკა-მათემატიკური მიდრეკილების მოსწავლეთა გამოსავლენად და შემდგომი ორიენტაციისათვის თსუ ფიზიკის ფაკულტეტთან შექმნილია ფიზიკა-მათემატიკური სკოლა.

სკოლა დაარსდა 1997წელს დაუსწრებელი სწავლების, ხოლო 1998წელს-დასწრებული სწავლების ფორმით. სკოლაში მიიღებიან IX-X-XI კლასის მოსწავლეები (ქართულ და რუსულ სექტორზე), რომლებიც დაინტერესებულნი არიან ფიზიკა-მათემატიკის ღრმად შესწავლითა და სწავლის გაგრძელებით ძირითადად ფიზიკის ფაკულტეტზე.

სკოლის პედაგოგიური კოლექტივი დაკომპლექტებულია თსუ-ის მაღალკვალიფიცირებული პედაგოგებით, რომლებიც უდიდესი პასუხისმგებლობით ეკიდებიან მოსწავლეთა სწავლებას, აღზრდასა და ჩამოყალიბებას მომავალ სტუდენტებად.

აქტიურად ფუნქციონირებს დაუსწრებელი განყოფილება, რომლის პედაგოგები ჩადიან რაიონებში ფიზიკა-მათემატიკით დაინტერესებულ მოსწავლეთა შესარჩევად, იქვე ტარდება მეცადინეობები და საქალაქო ან სარაიონო კონფერენცია, რომელშიც გამარჯვებულებს ეძლევათ უფლება ჩაირიცხონ თსუ ფიზიკის ფაკულტეტზე გასაუბრების წესით.

სკოლის წარჩინებით კურსდამთავრებულები ფიზიკის ფაკულტეტზე ირიცხებიან გასაუბრების წესით, ხოლო დანარჩენი ნაწილი – მისაღები გამოცდების ჩაბარებით.

ფიზიკა-მათემატიკური სკოლის კურსდამთავრებულთა ნაწილი აბარებს მისაღებ გამოცდებს და ირიცხებიან თსუ სხვადასხვა ფაკულტეტზე და სხვა უმაღლეს სასწავლებლებში.
ფიზიკის ფაკულტეტზე ჩარიცხულთა უმეტესობა სწავლაში ფრიადოსანია.

სკოლის დირექცია:

დირექტორი – პროფესორი ზურაბ ხვედელიძე

სასწავლო ნაწილის გამგეები –
დოცენტი ს.წერეთელი,
პროფესორი ა.ბიბილაშვილი

საქმეთა მმართველი – დ.ჩიტალაძე